त्यी नेतालाई पत्याएर कति बस्छौ हँ?

कुर्सी मात्रै हत्याएर कति बस्छौ हँ ?

जनतालाई लठ्याएर कति बस्छौ हँ?

 गर्न सक्ने केही होइन पानी मरुवा!
 एउटै कुरा भट्याएर कति बस्छौ हँ ?

 काम गर्ने बहाना मै धुकुटी रित्यायौ !
नोटका बीटा खत्याएर कति बस्छौ हँ?

 एकतामा बाध्न सिक परिवार आफ्नो!
देश आफ्नै फट्याएर कति बस्छौ हँ ?

 हामी जनता पनी गोरु नै हो भर परी!
त्यी नेतालाई पत्याएर कति बस्छौ हँ?


कृष्ण मानव खड्का
 सानोश्री ३ बर्दिया

---