मैले कैले सकौला र तिम्रो ऋण चुकाउन

देखावटी हाँसो हाँस्यो भित्री पीर लुकाउन|
मेरै गल्ति हुँदा पनी दिएनौ शिर झुकाउन| 

जन्म दियौ भेलहरु बगाएर रगतका,
मैले कैले सकौला र तिम्रो ऋण चुकाउन| 

परदेशी'भै तिमीलाई सुख दिन नसके'नी,
कैले पनी नपरोस् है तिम्रो मन दुःखाउन|

सधैभरि गहँभरि आँसुको भेल बगीरहे,
सकिन नी मेरी आमा तिम्रो आँसु सुकाऊन|

तस्बीर हेरी रुने गर्छु आमाको मूख हेर्ने दिन,
सकिन'नी तिम्रो सामु मनको पीर फुकाउन| 


By Pawan Gharti Magar Bibas