जीवन संघर्ष

संघर्षलाई कर्तव्य ठानेर
परिवर्तनको चित्र बोकी

निरन्तर अविचलित यात्रा गरिरहेको
जीवन हुँ म
यो यात्रमा कसैको सहमत होला
कसैको विमत होला
कसैको सहनुभूति मात्र होला
तर जे सुकै होस
यही यात्रामा मेरो जीवन छ
त्यही जीवनमा मेरो प्राण छ
जहाँ जीवन छ त्यहाँ विचार छ
जहाँ विचार छ त्यहाँ संघर्ष छ
जहाँ संघर्ष छ त्यहाँ अस्तित्व छ
जहाँ अस्तित्व छ त्यहाँ फेरी जीवन छ ।
जीवनसँग संघर्षको भाका छ
बलिदानको शब्द छ
वर्गसंघर्षको चेतना छ
विद्रोहको मसाल छ
साम्यवादको सपना छ
देशभक्तिको भावना छ
हजारौ हजारको ताली पाएर पनि
बाटोमा एक्लै हुन्छन जीवन
कयांै सहयात्रीलाई विचैमा छोडी
एक्लै हिंड्न विवश हुन्छन जीवन
तैपनि कुनै गुनासो छैन
विचलित हुँदैन कहिल्यै जीवन
किनकी जीवनमा रक्तिम रंग छ
आमूल परिवर्तनको खाका छ
त्याग र तपस्याको भावना छ
अमर शहिदहरूको नासो छ

by Jit Bahadur Lama