भैलोमा...शुभकामना मित्रजनलाई तिहारको नभूली

शुभकामना मित्रजनलाई तिहारको नभूली
मनाउनु खुसी मानी साथी भाई मिली,जुली

मन न दुखोस,धन फलोस,माया नि बढोस
प्रगतिले पाउ चुमुन,,सगरमाथा जस्तै चूली

मनको मैलो पखालेर स्वच्छ भावनाले है त
रिस-राग त्यागी सबले ,मिठाई जस्तै घुली

फूलहरु आँगनीमा दियो बत्ती झिलिमिली छ
सदभाव भरौँ एक-आपसमा माया मोह हुली

काले,गोर,भून्टे,स्याने मेरा सबै साथी भाई
च्यान्टी,प्यान्टी सीता,रीता कता छिन ठुली

योपाली त दशैं,तिहार साथी भाई बिना भयो
बाँचे अर्को साल हैत बन्धन मुक्त भई खुली

कृष्ण मानव खड्का
सानोश्री ३ बर्दिया