आजभोलि यस्तोलाग्छ,झुकेको छ देश मेरो l

आजभोलि यस्तोलाग्छ,झुकेको छ देश मेरो l
परदेशीको दिलमा पनि ,दुखेको छ देश मेरो l

हाम्रो गौरव गाथा के हो? धेरै लाई थाहै छैन l
सगरमाथा हाम्रो आफ्नै,लुकेको छ देश मेरो l

छिमेकीछन् झलमल्ल,हाम्लाई अँध्यारोमा l
बगेकाछन् कोशी काली,सुकेको छ देश मेरो l

चोरबस्छन चौतारीमा,सज्जन पाउँछ शूली l
असक्त र निमुखालाई ,भुकेको छ देश मेरो l

कोहि पुगे चन्द्रमामा ,कोहि मंगल धाउँछन् l
सधैं भरि कुर्सी पाउन , ढुकेको छ देश मेरो l

-----कोमल भट्ट ,न्युयोर्क
8 October ,2012

---

-->